那个闽南童谣手抄报是怎么画的啊？

天乌乌，卜落雨，海龙王，卜娶某。龟吹萧，鳖打鼓，水鸡扛桥目吐吐，田婴举旗叫辛苦，火萤担灯来照路，螳螂缀桥穿

[瘦丑仔]

瘦丑仔猴，鼻那流，食芎焦，配土豆，

食西瓜，配菜头，毋是吐，著是漏。

[乌头仔车]

乌头仔车，车甘蔗，顶头坐一个阿舍。

流鼻蚵，挂目镜，腹肚枵，坐未正，跋落来，哀哀痛。

[新年歌]

初一早，初二巧，初三困到饱，初四顿顿饱，

初五隔开，初六挹肥，初七七元，初八原金，

初九天公生，初十有食食，十一请囝婿，

十二查某囝转来拜，十三食泔糜仔配芥菜，

十四结登棚，十五上元瞑，十六拆灯棚。

[摇囝歌]

摇啊摇，阿妈斗挽茄，挽偌济，挽一饭篱，

也欲食，也欲卖。

阿公仔讲欲滚，滚烂烂，一人分一半，

滇满满，一人食一碗。

[天乌乌]

天乌乌，欲落雨，鲫仔鱼，欲娶某，

鱼担灯，虾拍鼓，水鸡扛轿大腹肚，

田螺举旗叫艰苦。

[十二生肖相歌]

一鼠贼仔名，二牛驶犁兄。

三虎爬山坪，四兔游东京。

五龙皇帝命，六蛇予人惊。

七马走兵营，八羊食草岭。

九猴爬树头，十鸡啼三声。

十一狗仔顾门埕，十二猪是菜刀命。

[西北雨]

西北雨，直直落。鲫仔鱼，欲娶某。

鮕代兄，拍锣鼓。媒人婆，土虱嫂。

日头暗，寻无路。赶紧来，火金姑。

做好心，来照路。西北雨，直直落。

西北雨，直直落。白鹭鸶，来赶路。

翻山岭，过溪河。寻无巢，跋一倒。

日头暗，欲怎好。土地公，土地婆。

做好心，来带路。西北雨，直直落。

[大箍呆]

大箍呆，炒韭菜，烧烧一碗来，冷冷我无爱。

[坐牛车]

坐飞机看天顶，坐大船看海涌，坐火车看风景。

坐汽车钱卡省，坐牛车顺续挽龙眼。

［火金姑］

，来食茶，茶烧烧，配芎蕉，

芎蕉冷冷，配龙眼，龙眼蛀核，来食那仔拔，

那仔拔全全子，力死囝仔痞。

［ABCD］

ABCD狗咬猪，阿公仔坐飞机，

摔一下冷吱吱，叫医生来***伊医，

医一下脚骨大细枝，医一下脚骨大细枝

［放鸡鸭］

一放鸡，二放鸭，三分开，四相叠，五搭胸，

六拍手，七围墙，八摸鼻，九扭耳仔，十拾起，

来啊！来啊，放鸡鸭，鸡仔鸭仔，走相拍。

［点仔点］

点仔点水缸，啥物人仔放屁烂尻川，

点仔点茶瓯，啥物人仔下暗欲来阮兜，

点仔点茶鼓，啥物人仔下暗欲娶某，

点仔点茶叮当，啥物人仔下暗欲嫁翁，

点仔点铅笔，啥物人仔欲做白贼七，

点仔点滚水，啥物人仔就去做鬼。

［月光光］

月娘月光光，老公仔伫菜园，

菜园掘松松，老公仔欲种葱，

葱无芽，欲种茶，茶无花，欲种瓜，

瓜无子，老公仔气甲欲死。

再画些画

把童谣抄上去就行了